Собранието на Република Македонија денеска ќе ја одржи 22. седница чија единствена точка на дневниот ред е Предлог законот за изменување и дополнување на Законот за акцизите, по скратена постапка.
По завршувањето на оваа седница ќе продолжи 21. седница што започна во понеделникот. Пратениците треба да се изјаснат за Предлог на законот за вршење на работи за застапување во царинските постапки, измените и дополнувањата на Законот за користење и располагање со стварите на државните органи, сите во прво читање.
Пратениците ќе распрваат и за измените и дополнувањата на Законот за Царинската управа, по скратена постапка, како и за Предлог на одлуката за утврдување на процентот на зафаќање од вкупниот годишен приход на носителите на лиценци за вршење на енергетски дејности за финансирање на работењето на Регулаторната комисија за енергетика на Република Македонија за 2015 година и Предлог на финансиски план на Регулаторната комисија за енергетика за 2015-та.