Полицијата соопшти дека презема мерки за расчистување случај на измама во кој Скопјанка е оштетна за 86.000 денари.
Случајот е пријавен вчера во 09:45 часот во Полициската станица Карпош од страна на оштетената В.Г.(58). Таа пријавила дека во мај 2017 година во два наврата била измамена од К.Ј. од Скопје.
Првата измама К.Ј. ја сторил со наводна набавка на лек за канцер за што од В.Г. побарал и земал 400 евра. Лекот го набавил, но В.Г. се сомнева дека бил со сомнително потекло. Потоа, К.Ј. во разговор со В.Г дознал дека не и решен статусот за пензија и ја убедил да му даде 1.000 евра за да може во најкраток рок да и го реши проблемот. Од тогаш до денес В.Г. неколку пати стапила во контакт со К.Ј., но тој и кажал дека требало да помине одреден временски период за целосно завршување на работата. Изнел и други изговори – дека е многу зафатен, по што заклучила дека е измамена.