Изминативе недели речиси и да нема ден, а во билтените на МВР да не биде забележан случај на измама со познатата приказна за лажна сообраќајка, во која измамени се најчесто повозрасни лица.
Само во изминатите 24 часа, регистрирани се два вакви случаи во Велес, во кои измамниците си заминале со вкупно 6.500 евра.
На 07.09.2020 околу 11.00 часот во СВР Велес, О.С. од Велес пријавила дека на 05.09.2020 била измамена од едно лице за сума од 300.000 денари. Според пријавеното, телефонски и се јавило лицето и и кажало дека нејзиниот син и снаа направиле сообраќајна незгода во која со возилото удриле во дете мигрант и побарало пари да му помогне на синот. Таа му дала 300.000 денари на лицето, но потоа сфатила дека била измамена, соопшти МВР.
На 07.09.2020 во СВР Велес, Т.Т.(74) од Велес пријавил дека бил измамен од едно лице за сума од 1500 евра. Според пријавеното, во 16.00 часот на фиксен телефон му се јавило лицето и му кажало дека неговата ќерка и неговиот зет направиле сообраќајна незгода и удриле дете и побарало од него пари за да им помогне. Според пријавата, тој му ги дал парите, но подоцна сфатил дека е измамен.