77-годишна жена од Скопје пријавила во полиција дека била измамена од непознато машко лице за сума од 150.000 денари.
Според пријавеното, лицето ѝ се јавило телефонски и се претставило како доктор, информирајќи ја дека нејзината ќерка наводно паднала и се повредила додека ги шетала кучињата и дека е неопходна итна операција, за која требало да се обезбедат пари.
Жената, поверувајќи во приказната, ги оставила парите на договореното место. Подоцна, откако стапила во контакт со нејзината ќерка, сфатила дека станува збор за измама и случајот го пријавила во полиција.
Од МВР информираат дека се преземаат мерки за целосно расчистување на случајот.
