Во Музејот на Град Скопје вечерва ќе биде отворена изложбата „100 цртежи“ на македонскиот уметник Роберт Дандаров.
Цртежите се изработени во последните две години на хартија во комбинирана техника. Љубителите на уметноста ќе може да ја видат изложбата до 15 август.
Роберт Дандаров е еден од најзначајните македонски уметници кои живеат и работат во странство. По завршувањето на Американската академија за уметност во Чикаго и на Националната академија за дизајн во Њујорк ги излага своите дела во САД, Белгија, Германија и Доминиканска Република. Во Македонија се претставува со свои самостојни изложби во Музејот на современа уметност во 2002 година и во Националната галерија во 2009 година.