Во општина Гостивар од вкупно 75.109 запишани гласачи во избирачкиот список, своето право да гласаат на петтите локални избори од отварањето на избирачките места го искоритиле 7.105 граѓани или 9,5 одсто.
Според ОИК, изборниот процес тече без проблеми и не се регистрирани нарушувања или неправилности.
Забелешки за нерегуларности на неколку избирачки места преку соопштенија изнесоа од изборниот штаб на една политичка партија. Во нив се неведува дека имало случаи каде што едно лице да гласа за повеќемина, притисоци врз гласачите и агитирање во близина на гласачки места
Гостиварци ја избираат новата локална власт и гласаат за седум листи за кандидати за советници кандидати и за петмина кандидати за градоначалници.
