Раководителот на одделението за водовод на јавното претпријатие „Комуналец“ од Кавадарци извести дека поради обилните врнежи и оштетувањето на фекалниот, настанато од нелегалните приклучоци на атмосферски води во него, дошло до излевање на фекалниот колектор на неколку места.
– Нашите екипи се терен и постојано вршат отпушување на колекторот каде настанало запушувањето, за да ги намалиме штетите и можностите за излевање на колекторот. Таму каде што е потребно вршиме и копање, ако не може со цистерна или со сајла да се заврши работата, појасни тој.
Тој додаде дека излевањето е најчесто во подрумските простории, затоа што граѓаните си извршиле приклучок на нивните подруми на фекалниот колектор и си направиле во подрумот да имаат кујни со што несвесно го оптовариле колекторот.