Изгореа 300 хектари борова шума во неколку пробиштипски села

Од:

Од 250 до 300 хектари борова шума и трева изгореа за 24 часа во пробиштипските села Неокази, Трипатанци, Бунеш и Ратавици. Градоначалникот на Општина Пробиштип Драган Анастасов вели дека пожарот синоќа е целосно изгаснат, благодарение на дождот. Посочува дека овој пожар бил опасен за месното население, бидејќи огнот се доближил на три метри од првата куќа во село Неокази, а исто така бил опасен и за пожарникарите од ТППЕ Пробиштип, Кавадарци и Штип, кои учествувале во неговото гаснење.

-Приоритет на сите нас беше да се спасат домовите на самите луѓе за да нема поголема материјална штета. Она коешто денеска се констатира е дека има изгорено борова шума, а домови и друга инфраструктура нема оштетено, вели Анастасов.

Прашан дали има голема материјална штета на фотоволтаичната централа, која е во непосредна близина на опожарената борова шума, Анастасов вели дека денеска ќе се утврдуваат колкави се штети од пожарите на територија на Општина Пробиштип.

Двата пожари во Пробиштипско се предизвикани по електрични празнења, односно од громови, за што сведочат и жителите на селата во чии атари беа пожарите.

Анастасов вели дека и денеска дежураат пожарникарите од ТППЕ-Пробиштип, забележано е тлеење на дрва, во опожарениот дел.

Би можело да ве интересира

Момче загина во пожар во Англија, уапсени се 14 деца

Скопјанец подметна пожар во куќа и стан каде што живее неговата сопруга со нивниот син

Горан Наумовски

Нетанјаху: Уапсени 18 лица под сомнение дека подметнале пожари во близина на Ерусалим

(ВИДЕО) Нетанјаху прогласи вонредна состојба поради шумските пожари во близина на Ерусалим

Горан Наумовски

(ВИДЕО) Голем пожар во близина на Ерусалим, најмалку седум лица се повредени

(ВИДЕО) Трагедија во Кина: Пожар избувна во ресторан, најмалку 22 мртви