Пожар избувна денеска во стан на петти кат во зграда на улицата „Рузвелтова“ во Скопје. Со брза интервенција на пожарникарите пожарот целосно е изгаснат, изјави командантот на Територијалната противпожарна бригада на Град Скопје, Владимир Симоновски.
– Во 13:30 часот добивме дојава за пожарот. Интервенирано е со пет противпожарни возила со 15 пожарникари. Пожарот е комплетно изгаснат во 14 часот, рече Симоновски.
Пожарот избил во кујната додека сопствениците на станот готвеле и се раширил низ целиот стан. Останатите станови не се зафатени од пожарот. Во пожарот нема повредени станари или пожарникари.
Се утврдуваат причините за пожарот.