Академик Владо Камбовски, професорите Димитар Мирчев, Веле Смилевски, Самуел Садикарио и маестро Борис Трајанов, се добитници на државната награда „11 Октомври“ за 2012 година.
Правникот Камбовски и политикологот Мирчев ја добиваат наградата за животно дело во областа на науката, писателот Смилевски и оперскиот уметник Трајанов за животно дело во областа на културата и уметноста, а кардиологот Садикарио за животно дело во областа на здравството,спортот и хуманоста.
Одлуката ја донесе Одборот за доделување на државна награда „11 Октомври”, чиј претседател е академик Георги Старделов.
Наградата на добитниците ќе им биде врачена на 11 октомври во 12 часот, во Македонската академија на науките и уметностите.