Рокот истече на полноќ, а само ВМРО ДПНЕ поднесе листа за членови на избирачки одбори до Државната изборна комисија, информираат од ДИК за А1он.
СДСМ, ДУИ и ДПА не доставиле предлози. Ова е прв пат, само една партија да достави списоци, а другите да бојкотираат. Според најавите, ова е показател дека и ДУИ и ДПА го најавуваат своето неучество на избори на 5-ти јуни.
СДСМ, веќе најави дека нема учествува на избори за кои не се обезбедени услови за фер и демократска изборна трка. ДУИ заедно со ВМРО-ДПМНЕ веќе делегираше членови за Избирачките одбори во дипломатско – конзуларните претставништва, за што крајниот рок беше 27-ми април.
Законски, велат од ДИК, доколку некои партии не достават листи за Избирачки одбори, тогаш членовите се пополнуваат од редовите на администрацијата.
Според Изборниот законик двајца од вкупно пет членови се бираат од редовите на најголемите политички партии на власт и опозиција а во зависност од етничкиот состав на избирачкото место. 11-ти мај на полноќ е последниот рок за доставување на кандидатски листи за пратеници.