Финасиските потреби на ДИК за оваа година изнесуваат 8 милиони евра, од кои најголемиот дел ќе бидат наменети за подготовка и реализација на предвремените избори.
Синоќа, за само десетина минути, Државната изборна комисија, едногласно усвои одлука, при вкрстеното споредување на податоци да се користат базите на 13 институции, меѓу кои Фондот за здравствено осигурување, ПИОМ, Управата за јавни приходи, Народна банка, Катастар, Министерството за труд и социјална политика и други.
Сега се чека 4-те политички партии да ја усогласат Методологијата за прочистување на избирачкиот список, но оваа одлука и постапка е неизвесна, бидејќи СДСМ не се согласува дека до 24-ти април, може да има фер и демократски избори со прочистен список.
Од обврските од Пржино, иако и со другите се доцнеше, остануваат само избирачкиот список и регулацијата на медиумите, услови без кои СДСМ не оди на избори.
