Дојде времето ние Македонците да имаме наши претставници во албанскиот Парламент, кој ќе ги штити интересите на сите Македонци во Албанија. Треба да се обединиме и да ги оставиме албанските партиии и да гласаме за македонските кандидати, истакна носителот на листата на Македонска Алијанса за округот на Корча, Валентина Нестор, на завршниот митинг кој синоќа се одржа на плоштадот „Гоце Делчев“ во Пустец, на кој присуствуваа околу 1.000 симпатизери.
– Евроатланската интеграција на Албанија, човечки и граѓански права, изучување на македонскиот јазик во образовниот процес во Голо Брдо и Гора, се само со дел од барањата за кои се залага Македонска Алијанса, рече Едмонд Темелко претседател на Македонска Алијанса за Европска Интеграција.
Македонска Алијанса и покрај тоа што е во изборната коалиција „Алијанса за работа, благосостојба и интеграција“, која ја сочинуваат 25 партиии предводени од Демократската партија, настапува со свои 86 кандидати на Македонци во сите 12 изборни единици.