Четири момчиња се повредени со убодни рани откако вчеравечер биле физички нападнати од три непознати лица во трговскиот центар „Мавровка“.
МВР денеска соопшти дека синоќа во 18:30 часот во ТЦ „Мавровка“ три непознати лица физички ги нападнале М.Н.(18), С.И.(18) и Б.М.(23) сите од село Арачиново и Ј.Љ.(21) од Скопје, при што со остар предмет им нанеле убодни рани.
Повредените лица се пренесени во ГОБ „Св. Наум Охридски” при што на Б.М. му е констатирана тешка телесна повреда, а на другите три лица им се констатирани телесни повреди. Се преземаат мерки за расчистување на настанот.