Изборниот процес се одвива непречено на територијата на општина Дебрца, каде право на глас имаат 4.573 лица за претседателските и 4.489 за парламентарните избори.
Според информацијата од претседателот на ОИК Љубен Стојкоски, сите гласачки места се отворени навремено.
Гласањето во Дебрца се спроведува на 28 места, со тоа што гласачите од селата Турие, Мраморец и Сливово од гласачките места 1328, 1339 и 1331, поради помал број од законски утврдениот, своето право на глас го остваруваат на гласачкото место 1329, во селото Арбиново.