Градоначалникот на општина Центар, Андреј Жерновски, денеска оствари средба со ново-наименувата амбасадорка на ОБСЕ, Н.Е. Нина Суомалаинен, шеф на мисијата на ОБСЕ во Скопје.
Жерновски и Суомалаинен потпишаа меморандум за соработка за спроведување на проектот “Поддршка на институции и структури за младински политики“.
„Двајцата соговорници разменија мислења за актуелната политичка состојба во Македонија, особено за важноста од целосно и навремено имплементирање на договорот од Пржина. Нагласнета е независната улога на специјалниот јавен обвинител.
Градоначалникот Жерновски и амбасадорката Суомалаинен се согласија дека прочистениот избирачки список е основа за враќање на довербата во институциите и во изборниот процес.
На средбата беше констатирано дека е загрижувачка состојбатата што на избирачкиот список се’ уште се наоѓаат гласачите од Пустец. Нагласена е потребата за улогата и зголемување на ингеренциите на Државната Изборна Комисија, како и за создавање услови за функционирање на професионални медиуми, особено улогата на националниот јавен сервис“, велат од општина Центар.