Муфтивството на ИВЗ во Струга ја урива џамијата Мустафа Челеби која важи за главна џамија и седиште на ИВЗ во Струга, информираат од „Завод и музеј Охрид“.
Директорката на оваа институција, Тања Паскали Бунташевска за А1 телефионски изјави дека станува збор за заштитено споменично добро и дека не смеат да се прават активности без дозвола на службите за заштита и Министерството за транснпорт и врски.
„Ова претставува кривично дело бидејќи џамијата потекнува од 16 и 17 век. Информирани се сите надлежни служби, на лице место беше државниот градежен инспекторат, претставници на Управата за културно наследство како и струшката полиција“.
Се слушнав и со муфтијата во ИВЗ Струга, Ферат Полиси и барав од него да прекинат со уривањето но и активностите и натаму продолжуваат, рече Паскали Бунташевска..
Струшкиот муфтија за А1 демантира дека се урива џамијата.
„Не се урива делот што е под заштита туку само делот што е додаден пред 20 години и на тоа месѕто ќе има проширување, рече муфтијата Полиси за А1.
Неофицијајално дознаваме дека информација за уривање на џамијата во Струга стигнала и до турската влада која што реагирала на ваквите активности бидејќи Мустафа Челеби чие име го носи џамијата, бил Турчин.