Ивановски: Изборниот законик е тапија за изборниот фалсификат на ВМРО-ДПМНЕ

Од:

„Измените кои ВМРО-ДПМНЕ и ДУИ ги набројале набрзина во Изборниот законик е промашен, катастрофален, празен. На брзина го подготвите  ден пред доаѓањето на еврокомесарот, за да може Груевски да се слика со Филе“, рече при крајот на дебата за новите изборни правила, координаторот на пратеничката група на СДСМ, Игор Ивановски.

Тој забележа дека секогаш кога ВМРО-ДПМНЕ се на власт има лоши избори, и дека власта саха хаос во изборните правила.

„Не сакате државата да ја одвоите од ВМРО-ДПМНЕ. Дозволувате и ја поттикнувате корупцијата во медиумите. како ќе го оправдате долгот од 3, 5 милиони евра? Изгласајте си го ова сами, бидејќи ова е тапијата за изборен фалсификат“, рече Ивановски.

Многу невистини кажавте, реплицираше Силвана Бонева.

„Овие измени ќе значат подобрар закон од сите што ги имавме а кои добија позитивни оценки и од ОБСЕ и од Венецијанската комисија. Сите  суштински барања на опозицијата се вградени, а и забелешките не ОБСЕ/ОДИХР, но вие барате  Владата и министрите да не смеат да настапуваат на медиумите“, рече Бонева.

„На детектор за лаги со вакви реплики немаше да поминете“, и одговори Ивановски на  Бонева.

„Ние бараме само 20 дена колку што е кампањата Владата да не ги злоупотребува функциите за партиски цели. Нели сте вие омилени кај народот. Од што се плашите сега? Страв лозје чува, ама има и чувар кој ќе дојде и ќе ве избрка. Народот ја чека првата шанса за да ве казни“, рече Ивановски.

Утре седницата продолжува со гласање на законот.

 

Би можело да ве интересира

Опозициските пратеници ќе им поставуваат прашања на премиерот и на министрите

Собранието одлучи: Се забранува употреба на пиротехника во затворен простор

Горан Наумовски

Пратеници од „Европски фронт“ поднесоа иницијатива за формирање на Анкетна комисија за трагедијата во Кочани

Поддршка од пратениците за законски измени со кои ќе се забрани пиротехника во затворен простор

Зајкова: Да ги заштитиме жените и жртвите на семејно насилство, а не да санираме ненадоместливи штети

Пратениците конечно се враќаат на работа