Претседателот на Република Македонија, Ѓорге Иванов, денеска и утре ќе престојува во Загреб, каде ќе присуствува на свеченоста по повод пристапувањето на Република Хрватска кон Европската унија.
Централната прослава ќе се одржи вечерва на плоштадот „Бан Јелачиќ“, каде свои обраќања ќе имаат претседателот на Република Хрватска, Иво Јосиповиќ и премиерот на Република Хрватска, Зоран Милановиќ.
Утре претседателот Иванов ќе учествува на работниот појадок, што за шефовите на делегациите го приредува претседателот Јосиповиќ.