Претседателот и врховен командант на вооружените сили, Ѓорге Иванов ќе присуствува на најголемата воена вежба „Кооперативна долга стрела/Лансер 2012“ на „Криволак“.
Заедно со претседателот на меѓународната воена вежба ќе присуствуваат и министерот за одбрана Фатмир Бесими, началникот на Генералштабот на АРМ генерал-мајор Горанчо Котески и командантот на Командата на НАТО од Мадрид, генерал-потполковник Алфредо Кардона.
АРМ ја започна оваа вежба на 21-ви мај, а во неа покрај припадниците на АРМ учествуваат претставници од 15 армии на држави членки на НАТО и Партнерството за мир.
Според кабинетот на претседателот посетата е најавена за 11:45 часот.