Иванов на Климатскиот самит во Катовице

Од:

Претседателот на Република Македонија, Ѓорге Иванов, од денеска престојува во работна посета на Република Полска, по повод учеството на Самитот за климатски промени COP 24, што се одржува во Катовице, соопшти неговиот кабинет.

Претседателот Иванов ќе има обраќање на сегментот на високо ниво на Самитот за климатски промени – COP24, на кој е предвидено да учествуваат триесетина шефови на држави и влади од целиот свет.

Предвидено е претседателот Иванов да одржи билатерална средба со претседателот на Република Полска, Анджеј Дуда.

Република Македонија во април 2016 година во Њујорк го потпиша Парискиот договор за климатски промени, што беше усвоен во 2015 година на Самитот за климатски промени COP21 во Париз, каде учествуваше претседателот Иванов. На самитот во Париз, Република Македонија даде придонес во меѓународните напори за постигнување климатски договор. Целта на Самитот за климатски промени COP 24 во Катовице е да се финализира практичната имплементација на Парискиот договор за климатски промени од 2015 година, што е дел од Рамковната конвенција на Обединетите нации за климатски промени. Со потпишување на Парискиот договор, Република Македонија ја реафирмираше својата посветеност во приклучувањето кон светските напори за ублажување на последиците од климатските промени, преку преземање на конкретни чекори, мерки и активности и исполнување на одредбите на Парискиот договор за климатски промени. Договорот од Париз е прв универзален и правно-обврзувачки договор што треба да стапи на сила во 2020 година и истиот досега е потпишан од 194 држави и од Европската Унија, се вели во соопштението од кабинетот на македонскиот претседател.

Во рамки на работната посета на Република Полска, претседателот Иванов ќе престојува во Вроцлав, каде што ќе одржи предавање на Вроцлавскиот Универзитет.

Би можело да ве интересира

Светска банка ќе поддржи макроекономски и климатски реформи во Македонија со заем во вредност од 93,8 милиони евра

Иванов: Се исполнува визионерскиот став на Кисинџер дека за конфликтот во Украина кога тогаш мора да почне дијалог

Горан Наумовски

Ќе воскресне ли аболицијата од Иванов – скопски адвокат поднел барање до Врховен

Анита Петровска Рајковиќ

ВИДЕО: Паѓаат температурни рекорди во светот, горат Европа, Америка и Азија

Катерина Ѓуровски

Шокантна снимка: Камионџија полуде, почна да тепа и да гази активисти на пат

Предраг Петровиќ

(ВИДЕО) На Европа и се заканува нова голема криза: Доаѓа екстремно сушно лето, цели региони страдаат за вода

Катерина Ѓуровски