Претседателот на Република Македонија, Ѓорге Иванов ги праша пратениците на парламентарното мнозинство и премиерот која е разликата помеѓу помилувањето што тој го потпишал и ова што го изгласаа пратениците на СДСМ и од останатите партии? Обраќањето пред дипломатскиот кор и преставниците на власта се одвиваше во скандалозни услови без минимум култура, дофрлаа пратениците на мнозинството, спикерот молчеше.
– Јас ја донесов одлуката за амнестија за да се спречи хаос, вие да за да ги озаконите уцените со што се руши правната држава. Вашата амнестија е само уште еден преседан за уцена. Овој закон за амнестија го потпишав , ако вие го донесовте заради гласовите на пратениците, јас за да ги разоткријам вашите вистински цели и намери. Овој закон за амнестија нека биде сведошвто за двојните стандарди, но без правда нема мир, нема помирување. Во поделено општество како нашето, се додека помирувањето и простувањето се за други цели, нема да има од тоа ништо, рече Иванов.
– Мене не можете да ме уцените, немам криминал, затоа се обидовте да го нарушите мојот углед, трпев и закани, имаше повици за убиство, ме навредуваа. Но и покрај ова истражувањето на јавното мислење покажува дека претседателот на РМ е политичка институција со највисока доверба меѓу граѓаните, додаде претседателот Иванов.
