Со говори на првите луѓе во одбраната и безбедноста, претседателот на Република Македонија, Ѓорге Иванов, и министерот за одбрана, Талат Џафери, како и поголем број унапредувања на раководството во Aрмијата на Република Македонија, свечено беше одбележан денот на арм – 18 август.
Во своето обраќање, врховниот командант на вооружените сили на Република Македонија, претседателот Ѓорге Иванов, посочи дека е горд на македонската армија која со својата професионалност, посветеност и постигнати резултати постојано ги надминува очекувањата.
На свеченоста по повод денот на арм, унапредувања добија петмина високи офицери на армијата, меѓу кои и началникот на Генералштабот на АРМ, генералот-потполковник Горанчо Котески.