Службата за Итна медицинска помош со домашно лекување во рамки на ЈЗУ Здравствен дом на Скопје-Скопје, информира дека за време на новогодишните празници ќе дава здравствени услуги во текот на 24 часа, со 22 медицински тима за ИМП и осум дежурни ординации во поликлиниките.
Со оглед на временските неприлики и претстојните прослави на новогодишните празници, Службата препорачува редовно земање на терапија кај хроничните болни, да не се излегува надвор без неопходна потреба заради ниските температури и лизгавите површини со цел да се избегнат евентуалните повреди и скршеници, при излегување надвор да се носи топла облека и соодветни обувки како и да се консумираат топли напитоци, умерено користење на алкохолни пијалоци за да се избегнаат несаканите последици-алкохолни труења, тепачки и сообраќајни незгоди,
Посебено се апелира до младата и малолетна популација за некористење алкохолни пијалоци заради нискиот праг на толеранција кон алкохолот и воздржување од користење на разни пиротехнички средства и огнострелно оружје заради избегнување на несакани повреди, изгореници и други потешки последици.
Вработените од Службата за ИМП, посочуваат оттаму, искрено се надеваат на беспрекорно почитување и придржување кон дадените препораки со цел новогодишните празници да се поминат во весело и пријатно расположение.
