Вечерва во 19:00 часот, во седиштето на СДСМ ќе се одржи итна седница на Централниот одбор, во проширен состав, заедно со претставниците на другите партии од Сојузот за иднината.
„Груевски и ВМРО-ДПМНЕ, намерно и свесно, продолжуваат да ја туркаат Македонија во многу погрешна насока. Од една страна глумат лажна конструктивност, а од друга страна сакаат да спроведат партиски пуч, во кој ќе се поништат Устав, Закон, Деловник, ќе се поништи парламентарната демократија. Владата, треба денес киднаперски да го помине Буџетот за 2013, а утре Трајко Вељаноски да се обиде шверцерски да го стави на дневен ред на пленарната седница. Со ова Груевски, Вељаноски и ВМРО- ДПМНЕ го подигнаа влогот. Сега веќе не е во прашање само Буџетот, туку македонската демократија“, се вели во соопштението од СДСМ.