МВР започна истрага за измама, дело, кое наводно го сторила жена од Кочани.
Според полицијата, на 22 овој месец, во полициската станица Кочани, две жени на возраст од 47 и 52 години и 75-годишник, сите од Кочани, пријавиле засебни случаи на измама од страна на Х.Д. од Кочани, извршени во текот на 2022 година.
Според пријавеното, таа во различни периоди дошла во нивните домови и им барала пари на заем под разни изговори, при што од нив земала соодветно 500, 400 и 300 евра, но до моментот на пријавување не им ги вратила. Се преземаат мерки за расчистување на случаите.