Историската комисија не преговара за црковниот статус на МПЦ-ОА

Од:

Членовите на македонскиот тим во Заедничката мултидисциплинарна и експертска комисија за историски и образовни прашања тврдат дека не преговараат за црковното прашање на МПЦ-ОА туку за претставувањето на историјата на Охридската архиепископија во учебниците по историја за основно образование во двете држави и нејзиното значење во христијанството.

„И покрај јасно искажаните погледи и ставови на ко-претседателот од македонска страна дадени пред новинарите на 25 ноември по завршувањето на 22. средба, во одредени медиуми во изминатите три дена се пласираат информации и се емитуваат прилози со кои се шират невистини дека Комисијата го решава црковното прашање на МПЦ-ОА, дека дискутира за теолошки и црковни прашања, догми и канони, или, пак, одредува чија е ОА. Притоа, во правењето на овие прилози воопшто не е побарано мислење од членовите на Комисијата, а членови на Синодот на МПЦ-ОА, експертската јавност, политички партии и претставници на државни институции, се доведени во ситуација да даваат свое мислење и да легитимираат измислена и непостоечка тема само врз основа на неточни информации и паушални заклучоци. Предмет на работата на Комисијата се прашањата за претставувањето на историјата на ОА во учебниците по историја за основно образование во двете држави, нејзината улога и значење за христијанството и словенската писменост и книжевност, а не црковно-теолошки прашања или утврдување на статусот на МПЦ-ОА или, пак, нејзино дефинирање во национална смисла“ велат од Комисијата.

Оттаму велат дека ова не е прв пат работата на Комисијата и нејзините решенија да бидат предмет на манипулација, на паушални и неаргументирани заклучоци со цел потоа истите да бидат злоупотребени.

„Повторно сведочиме како свесно се создаваат непостоечки проблеми и измислени закани по македонскиот идентитет со што јавноста се доведува во заблуда и се манипулира со нејзините чувства, особено со чувствата на македонскиот народ. Повторувањето на овие дезинформации во однос на работата на Комисијата ќе ги сметаме за свесно инструментализирање на нејзината работа со цел остварување на политички цели. Затоа, повикуваме на одговорност во информирањето на јавноста за работата на Комисијата не само од страна на медиумите, туку и од сите општествено-политички актери во македонското општество“ нагласуваат од Комисијата.

Би можело да ве интересира

Левица повикува да се потпише Македонска платформа: „Една изборна единица и распуштање на историската комисија“

Катерина Ѓуровски

(ВИДЕО) Францускиот амбасадор во Софија: Целта е да се напишат учебници со заедничка историја

Орце Костов

(ВИДЕО) Андреева-Малкова од БНР: Чекаме Бугарите да бидат впишани како рамноправен народ во Уставот на Македонија

Орце Костов

Македонија и Бугарија разменија предлози за учебниците по историја за кои ќе се разговара на крајот од март

Орце Костов

Милков: Историската комисија е заслужна што утре заеднички ќе го славиме Свети Климент Охридски

Орце Костов

Додека ние преговараме како учениците ќе ја толкуваат Охридската архиепископија, Бугарите веќе ја присвоија

Орце Костов