Сеча на дрвјата и во Паркот на новинари спроти зградата на некогашно НИП Нова Македонија.
Дрвјата овој пат не се ниту стари ниту исушени, туку со здрави и богати крошни, така што не е јасно зошто се уништува ова парче зеленило, кое е единствена сенка во овој дел на Скопје.
Во паркот до пред извесно време кампуваа средношколците кои го користеа како привремен дом за да го искажат својот протест кон Министерството за образование и наука. Тополите се исечени од страна на „Паркови и зеленило“ по налог на Град Скопје.
Градските власти, инаку, планираат на местото на паркот да изградат кружен тек на два нивоа, но откако ќе се изгради подземниот булевар кој ќе поминува под Музеј на Град Скопје и ТЦ Рамстор, тунел кој треба да ги поврзе некогашна Бихаќка со булевар Мајка Тереза.
