По повод Светскиот ден на извидништвото, 22 февруари, Извидничкиот одред „Мирко Милески” и Планинарско еколошкото друштво „Ендорфин” од Кичево денеска организираа искачување на врвот Мала Корија (репетитор – 951 м.н.в.) на планината Илиница.
Собирањето и поаѓањето беше од седиштето на ИО „Мирко Милески” во 09:00 часот, а искачувањето траеше еден час.
Дел од одбележувањето на Светскиот ден на извидниците, 22ри февруари, се организира акција за донирање крв во соработка со Црвениот Крст-Kичево. И ова е еден настаните кои се дел од акцијата „Направи добро дело”.
– „Направи добро дело” предвидува низа активности со кои сакаме да прикажеме дел од работата на извидниците и нашата заложба за остварување на мисијата – да креираме подобар свет, а поддржана е од Civica Mobilitas, истакнуваат од извидничкиот одред и ги покануваат сите извидници, пријатели и граѓани, ако сакаат да даруваат крв да дојдат во просториите на Црвен крст-Кичево на 22 февруари од 10 до 15 часот.
Овој настан е наменет за лицата кои имаат 18 години или повеќе. Доколку некој кој има 17 години, а сака да дарува крв, може да го направи тоа само со писмена согласност од родител.