Претседавачот со Минхенската безбедносна конференција и поранешен германски амбасадор во САД, Волфганг Ишингер, смета дека Македонија одамна требала да ги почне преговорите за влез во ЕУ и НАТО.
Овој став тој го сподели на социјалната мрежа „Твитер“.
„Патот на Скопје кон ЕУ и НАТО треба да се одблкира. Тоа требаше одамна да биде сторено“, пишува Ишингер.
Ексамбасадорот и претседавачот со Минхенската конференција коментираше и на објавата од шефот на македонската дипломатија, Никола Димитров, каде што напиша дека тој е еден од неколкуте примери на успешна превентивна дипломатија и дека по долго чекање време е Македонија да се пробие во ЕУ и НАТО.
„Македонија е еден од малкуте примери на успешна превентивна дипломатија. Но, запирањето на негативната динамика не е доволно. Време е да се искиристи можностаза забрзување на позитивната динамика и постигнување неповратен успех“, вели Димитров.