Вработените во општина Центар и зимската служба ноќеска ги поминаа и ги исчистија сите улици кои се под надлежност на општина Центар. Континуирано се чистат улиците во Мало Курило, Долно Водно и Водно. Исчистени се и улиците Ѓуро Ѓоновиќ и Пролет и сите приоди до детските градинки и до училиштата.
Во текот на ноќта фрлени се 50 тони сол или вкупно со почетокот на снегот фрлени се 110 тони сол на улиците во Центар.
Се чисти со неопходната механизација, но и рачно вработените ги чистат улиците и тротоарите. Комуналната инспекција на општина Центар ги предупредува субјектите согласно Законот за комуналните дејности да го исчистат просторот пред влезовите.
Надлежните се подготвени доколку повторно падне снег да излезат на терен и да ги исчистат сите критични точки и улици.
