Во месноста Суитлак во близина на Струмина чешма попладнево пронајдено е телото на тригодишното дете од Штип кое исчезна завчера.
Портпаролот на СВР Штип Гордана Панајотова потврдува дека телото на малиот Чинар Сулејманов е пронајдено и дека полицијата направила увид на местото.
– Телото на детето е предадено на обдукција по налог на основен јавен обвинител со цел да се утврдат причините за смртта. Детето го пронашле роднини кои цело време биле вклучени во потрагата и го пребарувале теренот околу Штип. Најпрвин му ја нашле сината јакна во која што било облечено, а на 200 до 300 метри погоре на ридот го пронашле беживотнто тело, рече Панајотова.
Полицијата во моментов не открива повеќе детали за смртта на Чинар Сулејманов.
Родителите на тригодишното дете го пријавиле за исчезнато завчера во доцните попладневни часови откако не си дошло дома по посетата на домот на неговиот дедо.
Родителите вчера заедно со полицијата ги пребараа сите напуштени куќи и улици во Штип во централното градско подрачје, но и во околните населби но тогаш потрагата не вроди со плод.