Во Штип исчезна тригодишниот Чинар Сулејманов. Неговиот татко Амди Синанов вели дека малиот Чинар вчера околу 8 часот излегол од домот и се упатил кон неговиот дедо. Но, откако заминал од куќата на неговиот дедо, му се губи секаква трага.
– Детето е облечено во сина јакна и фармерки, не знае добро да збори, бидејќи има само три години, го бараме од вчера заедно со полицијата. Доколку некој виде три годишно дете како скита по улиците веднаш да се јави во полиција, вели Синанов.
Во текот на ноќта роднините и полицијата ги пребарале улиците на Штип, но и околните населби околу градот.
Од СВР-Штип потврдуваат дека е исчезнато тригодишно дете и оти од нивна страна веќе се бара.