Институтот за судска медицина на Медицинскиот факултет во Скопје доби нова и најсовремена Форензична ДНК лабораторија. Со новата технологија ќе бидат овозможени поквалитетни анализи од досегашните.
Денеска, премиерот Никола Груевски и министерот за здравство Никола Тодоров и министерот за образование и наука Панче Кралев, официјално ја промовираа новата, современа лабораторија која дозволува зголемување на научно-истражувачката работа.
Набавката на новата форензичка лабораторија чини 500 илјади евра. Таа е дел од проектот на Министерството за образование за набавка на нови лаборатории. Со оваа лабораторија, според Тодоров, значајно ќе се зголеми научниот кредибилитет на оваа установа.
