„Општина Центар го повикува градоначалникот на град Скопје, Коце Трајановски да постапи по барањата од кафулињата сместени на улица „Македонија“ за поставување урбана опрема на јавна површина.
Рокот за изјаснување беше до 26.04.2014 год. Ова е неопходно за да можат инспекторите од општина Центар да излезат на терен и да ја констатираат состојбата.
Повеќе граѓани се пожалија во општина Центар дека не е возможно нормално движење по ул.Македонија и затоа е потребно да се стави ред.
Од понеделник инспекторите на општина Центар ќе излезат на терен и ќе проверат дали сопствениците имаат одобрение за поставената урбана опрема. За се што нема одобрение од град Скопје ќе биде отстрането“, се вели во соопштението на Општина Центар.