Иницијатива за забрана на пластични кеси

Од:

Група еколошки активисти формираа Иницијатива за забрана на пластични кеси. Екологистите поддржувачи на Иницијативата бараат од надлежните без одлагање да донесат законска одредба за забрана на пластичните кеси за пазарење и да воведат нови, вистински биоразградливи, според европските стандарди, а истовремено, кај потрошувачите да се поттикне создавањето навика за користење на платнени торби за повеќекратна употреба.

– Забраната на дел од пластичните кеси е мерка за која сегашната Влада изрази намера да ја реализира. Забраната ќе се однесува на пластичните кеси што не се биоразградливи, додека во промет би продолжиле да се пуштаат биоразградливи пластични кеси при што нивната цена би се зголемила на 10 денари, велат од Иницијативата.

Укажуваат дека од надлежните било најавувано дека овие мерки, предвидени со новиот закон за управување со пакување и отпад од пакување, ќе стапат на сила на 1 јануари 2021 година.

– Јануари се ближи, а овие мерки не се спроведени. Не само што новиот закон не е усвоен, туку е уште една фаза поназад, односно не е ни испратен до Собранието на усвојување. Новиот состав на Собранието веќе е конституиран, новата Влада е избрана и веќе работи. И покрај неопходните итни мерки што треба да се преземат во однос на пандемијата со ковид-19, сметаме дека е неоправдано во недоглед да се одолговлекува забраната на пластичните кеси која беше најавена за 1 јануари 2021 година, наведуваат од Иницијатива за забрана на пластични кеси.

Посочуваат дека во меѓувреме, количеството пластични кеси останува екстремно високо. Според некои податоци, кај нас секоја година се користат половина милијарда пластични кеси. Откако еднократно ќе се искористат, тие завршуваат на депониите, каде што се горат, при што го загадуваат ионака загадениот воздух, или се фрлаат по улиците. Така, не само што ја нагрдуваат нашата околина, туку и често завршуваат во водните текови каде што го трујат живиот свет што ги консумира, мешајќи ги за храна, нарушувајќи го синџирот на исхрана што несомнено се одразува и на квалитетот на живот.

– Се може без пластични кеси! Бараме од Владата под итно да го заврши она што го најави. Бараме во промет да се пуштаат единствено биоразградливи пластични кеси за пазарење, кои ќе ги исполнуваат еколошките стандарди, се вели во во соопштението од Иницијатива за забрана на пластични кеси.

Би можело да ве интересира

По 1 јули во маркетите само биоразградливи кеси

Зегин со свој придонес во големата еко акција „Скопска Црна Гора ја поздравува пролетта”

Ана Ололовска

Нуредини: Употребата на кеси за носење стоки драстично е намалена

А1он

Министерство за животна средина: Неосновани поплаките на производители на кеси, даден е период за пренасочување на производството

Ана Ололовска

ССК: Наместо да се одредуваат високи цени за кесата, да се врши нивна селекција и рециклирање

Ана Ололовска

Нема веќе бесплатни пластични кеси

Катерина Ѓуровски