Пратеничката група на ВМРО-ДПМНЕ денеска покрена иницијатива за уставно дефинирање на бракот како заедница исклучиво помеѓу еден маж и една жена.
Како што информираше пратеникот Влатко Ѓорчев, истовремено во иницијативата се предвидува децата без родители да можат да ги посвојуваат исклучиво брачни заедници во кои има маж и жена, два родитела мајка и татко или самохрани родители.
Одговарајќи на новинарско прашање, пратеникот рече дека оваа иницијатива во огромно мнозинство е поддржана од народот согласно традиционалните вредности изразувајќи надеж дека ќе биде поддржана од сите политички партии.