Пред неколку денa,по повод одбележувањето на државниот празник 11 Oктомври, Паркот на револуцијата беше збогатен со нова содржина – Инфоцентар,со цел промоција и развој на туризмот во Прилеп за да им се понуди помоши услуги на домашните и на странските туристиод областа на туризмот.
Инфоцентарот воедно е проект на Владата на Р. Македонија,а локацијата, како што беше потенцирано, е избрана поради фреквентноста и посетеноста на Паркот на револуцијата.Меѓутоа, и покрај тоа, денес Инфоцентарот беше под клуч.Не се познати причините зошто новотворениот Инфоцентар денес не работеше.
Локалната самоуправа постепено ги реализира предвидените проекти што одамна требаше да бидат завршени на Паркот на револуцијата.Еден од тие проекти е изградбата на скејт-парк. Ни трага ни глас од неговата изградба пред спортската сала Македонија.И по 10 месеци, на површина од 1331 м2 предвидена за реализација на овој проект, се простира празна ливада.Скејт-паркот требаше да биде готов уште пред неколку месеци, но сѐ уште нема никакви активности во врска со реализацијата на овој проект.
А.Ш.