Инаетењето во Собранието го држи под блокада петтиот сет мерки

Од:

Со прекин, без исход и во неизвесност околу тоа дали и кога ќе биде закажана 36. седница на Собранието на која треба да бидат изгласнани законите кои ќе го активираат петтиот сет мерки за помош заврши тензичното препирање на претседателот на собранието Талат Џафери и пратениците од опозицијата.

Координаторите на пратеничките групи, дел од пратениците и претседателот на Парламентот повеќе од два часа, преку процедурални забелешки, расправаа дали да се гласа за 21 точка од 32-та седница и потоа да продолжи 36-тата седница или да се одложи гласањето поради немање кворум и да продолжи 36 седница, на која се и три закони од петтиот пакет антикризни мерки.

Тројца пратеници од пратеничката група на СДСМ се во изолација и затоа владеачкото мнозинство не можеше да обезбеди кворум.

Претседателот на Собранието Талат Џафери инсистираше да се изгласа 21 точка од 32 седница, па потоа да се продолжи со 36-тата седница, а опозицијата бараше да се одложи гласањето доколку парламентарното мнозинство нема кворум и да се почне со 36-тата седница. Опозиционерите одлучија да излезат од салата за да не создадат кворум за гласање по точките од 32 седница.

Џафери забележа дека на списокот за евиденција како присутни во Собранието се пријавиле 101 пратеник, кои треба да бидат во собраниската сала и ги читаше нивните имиња, како што рече, за да слушнат граѓаните кои се пратениците кои земаат плата, а не учествуваат во работата на Собранието.

– Пратениците имаат обврска да присуствуваат во салата, а нивно право е дали ќе гласаат или нема да гласаат, или пак, ќе учествуваат во дебатата или нема да учествуваат. Не можам секој ден да плаќам патни трошоци за 101 пратеник, а во сала да бидат присутни 58 или 59 пратеници, рече Џафери, кој ја искритикува опозицијата дека го блокира Собранието, а пратениците дека ги спроведуваат партиските одлуки наместо да работат во интерес на граѓаните.

– Се повикувате дека работите за граѓаните, тогаш повелете работете за нив, рече Џафери.

По двочасовна расправа Џафери ја прекина 32-та седница и најави дека е можно да предложи карантин за Собранието.

Би можело да ве интересира

Седници на собраниските комисии за политички систем и одбрана и безбедност

Ана Ололовска

Колариќ: Субвенционирањето на клима уреди од Град Скопје е измама

Катерина Павлова-Николовска

НУК: Половина од угостителите ке извисат за помош од шестиот пакет

ВМРО-ДПМНЕ: Освен скандалозната набавка на скала, истата фирма набавува спортска опрема за министерството на Шекеринска

Катерина Павлова-Николовска

Петровска: ВМРО-ДПМНЕ да им се извини на граѓаните за тоа што го кочи Законот за Клинички центар

Катерина Павлова-Николовска

ВМРО-ДПМНЕ: Заради Филипче и Заев вакцините доцнеа 5 месеци

Катерина Павлова-Николовска