Исламската верска заедница именуваше нов скопски муфтија Реџеп Јусуфи. Но, разрешените членови на Скопското муфтиство го обвинуваат поглаварот на ИВЗ, Сулејман Реџепи дека незаконски го сторил тоа.
-Не е избран, тој е именуван од страна на Сулејман Реџепи, без негова волја. Во комуникација со Реџеп Јусуфи сам ми кажа дека е принуден да го прифати тоа,-изјави разрешениот скупски муфтија Ибрахим Шабани.
Според Шабани и другите разрешени членови, именувањето се случило на таен состанок, одржан во четвртокот, на кој присуствувале само пет од вкупно 15-те членови на скопското муфтиство.
Разрешените членови на Скопското муфтиство, најавија дека правдата ќе ја барат на суд, а за следната недела закажаа и секојдневни протести.
-Имајќи го предвид фактот дека секојдневно имаме голем притисок од страна на верниците, оформен е Иницијативен совет кој ќе биде надлежен за координирање на секојдневните протести кои ќе имаат една цел, да му кажат стоп на најголемото зло на исламската вера во земјата Сулејман Реџепи, – изјави поранешниот секретар на Скопското муфтиство, Скендер Бузаку.