Имам информации за спорадични случаи на обиди за асимилација на Македонците во Албанија од страна на Бугарија, тврди Џачка

Од:

Речиси половина од дискусијата на денешната средба во Скопје меѓу министерот за надворешни работи Бујар Османи и албанската министерка за Европа и за надворешни работи Ољта Џачка бил посветен на обидите за тивка асимилација на Македонците во Албанија од страна на Бугарија.

Ова денеска на прес-конференција го изјави Османи, одговарајќи на новинарско прашање во врска со поплаките на Македонците во Албанија за бугарска асимилација и притисокот од Бугарија. Тој истакна дека е побаран став од Тирана, а според информациите на Џачка станува збор за спорадични случаи.

-Побаравме мислење, став од Република Албанија, меѓутоа информациите на министерката се дека досега таквите случаи се само спорадични, при што е направен обид за искористување на еден вакуум меѓу носење закон и подзаконски акт кој ќе се обидат да го адресираат. Во Министерството постои работна група која на дневна основа ги следи тие текови, предлага конкретни чекори, а наскоро исто и Владата ќе расправа на таа тема, информира Османи.

Тој напомена дека ги претставиле забелешките и информациите и побарале поддршка за Македонците во Република Албанија. – Јас ги посетив минатата година и направивме владин план за поддршка на Македонците таму. Тоа што е различно во Албанија, од истите слични обиди и во Северна Македонија и во други држави е што се инсистира во таа изјава за себедекларирање да се потврди и во локалните општински власти, што е еден нов момент на вклучување на државата во таквите изјаснувања, рече Османи.

Министерка Џачка на прашањате што прави албанската Влада околу тоа истакна дека станува збор за спорадични случаи.

-Имам информации за некои спорадични случаи кои ги разгледуваме, во тесна координација сме со институциите на Северна Македонија за да видиме што се тие, кој се самоопределил или колку е голем овој процес, но според досегашните сознанија не е голем. Секоја информација која ќе ја имаме во реално време брзо ќе ја споделиме со колегите од Северна Македонија, рече Џачка.

Таа додаде дека Албанија никогаш не замижала пред официјална Софија.

-Спротивно на тоа сме биле доста гласни, Албанија била доста гласна дека една членка на ЕУ не може да блокира процес на евроинтеграција на Албанија и на Северна Македонија преку историски основи или политички калкулации. Тоа значи дека ова е процес на меритократија, ние ги исполнуваме сите наши обврски, ги извршуваме домашните задачи. Мигот каде што сме денеска е нешто што има геостратешко значење, особено поради војната на Русија во Украина, што предизвика освестување кај Европа дека и е потребен многу поактивен пристап кон земјите од Западен Балкан. И во однос на тоа што се случува денеска со дијалогот Косово-Србија, кој има потенцијал да ја нормализира оваа состојба, но и со другите елементи кои ги спомнавме, со стаусот на кандидат за членство на Босна и Херцеговина, се на се зголемена е свесноста дека процесот на проширување е тесно поврзан со безбедноста и сигурноста не само на регионот, туку и на самата ЕУ, изјави Џачка.

Албанската министерка нагласи и дека денешниот настан има големо геостратешко значење.

-Доколку сме одговорни и свесни ние кои сме дел од овој процес за задачите и обврските, кои треба да ги исполниме, тогаш одговорни и свесни треба да бидат и земјите-членки на ЕУ. Спречувањето на овој процес не им штети само на нашите држави, туку и на просперитетот, стабилноста и сигурноста на самата Европска Унија, оцени Џачка.

Би можело да ве интересира

Анкета на ДУИ: Бујар Османи сигурно влегува во вториот круг во изборот за претседател

Орце Костов

Османи: Резолуцијата на Сенатот на САД поддршка за нашето членство во ЕУ, но и порака до политичките фактори кои заговараат алтернатива на ЕУ

Османи: ОБСЕ да продолжи да ја разоткрива Русија и да ја осудува нејзината незаконска и неоправeдна агресија

Горан Наумовски

Османи од Советот на безбедност на ОН: Правдата и одговорноста мора да надвладеат

Горан Наумовски

Османи од ОН во Њујорк: Мораме да и кажеме „не“ на Русија

Предраг Петровиќ

Ахмети го најави Бујар Османи за претседател: ДУИ бара и потпретседател на државата

Орце Костов