Жителите на Крива Паланка нема да имаат проблеми со водоснабдување и со вода за пиење, иако перидов Македонија е зафатена со топлотен бран, информира јавното претпријатие „Комуналец“.
Се очекува потрошувачката на вода за пиење да биде зголемена, но дотокот на вода во системот е доволен.
– Потрошувачката на вода нема да претставуав проблем, а не се очекуваат ниту рестрикции. Има доволно доток од изворите на Калин Камен, дури и вода на прелив, а поголемата потрошувачка може да предизвика само намален притисок во одредени реони, не и рестрикции или евентуално прекини во водоснабдувањето, изјави директорот на ЈП „Комуналец“, Крива Паланка, Томе Тодоровски.
Воедно апелира граѓаните да ја користат водата рационално и наменски, а не за наводнување.
Тодоровски најави дека градскиот базен, со кој стопанисува претпријатието, ќе биде отворен идната недела.