Идниот месец почнува вакцинацијата за заштита на децата од пневмокок и рота вирус

На вчерашната седница Владата ја усвои Информацијата за прогресот на активностите во реализацијата на Акцискиот план за воведување на вакцинација за заштита од пневмокок и рота вирус. Во текот на овој месец, до службите за имунизација ќе бидат дистрибуирани дози од двете вакцини. Почнувајќи од јули, родителите кои сакаат ќе имаат можност да го вакцинираат своето дете. Двете вакцини се даваат во различен период, соопшти денеска Министерството за здравство.

Посочуваат дека вакцинирањето е најдобар начин да се заштитат малите деца од рота вирусот, а спречува развој на симптоми на заболувањето како: дијареа, повраќање, стомачна болка и дехидратација, ја намалува потребата од престој во болница. Со вакцината, како што се наведува, се заштитени најголем процент од децата кои ја примиле (девет од 10 деца).

Чести се пневмококните инфекции во детска возраст, посебно кај тие кои посетуваат градинки. Со вакцинацијата се намалува и можноста за пренос на вирусот. Претходно прележана пневмококна инфекција не значи заштита од идни пневмококни болести. Пневмококната вакцина е најдобар начин детето да се заштити од пневмококна инфекција. Вакцинацијата е клучен приоритет и придобивка за јавното здравје и токму затоа активностите за промоција на имунизацијата продолжуваат во континуитет, истакнуваат од Министерството за здравство.

Би можело да ве интересира

Досега вакцинирани 32.653 лица со МРП вакцина, минатата недела нови 10 заболени

Ана Ололовска

Од денеска достапен лекот Пирфенидон за пациентите со идиопатска белодробна фиброза

Ана Ололовска

Во Галичник почнува со работа летната патронажна медицинска служба

Ана Ололовска

Во земјава има вкупно 183 амбулантни возила, просечно стари по 11 години

Ана Ололовска

Увидот ќе ги покаже причините за несреќата кај кумановско Черкезе, институциите подготвени да делуваат

Татјана Ташкова

(ВИДЕО) Николов: Дончев и Филипче да одговорат, дали со нивни амин се празни касата на ФЗОМ и Министерството за здравство?

Ана Ололовска