Подметнатите пожари во Струмица земаа две жртви. И третиот повреден се наоѓа во исклучително тешка здравствена состојба и се бори за живот.
Струмица е обвиена во тага за своите сограѓани, вели во изјава за А1, градоначалникот Зоран Заев. Градот ги прогласи денешниот и утрешниот ден за денови на жалост.
Најверојатно човечки фактор ја предизвика трагедијата. Иако се уште пожарот е активен, вели Заев, нема непосредна опасност засега за најблиските куќи.
Противпожарните екипи напорно работат, меѓу нив е и првиот човек на Струмица, кој и вчера неуморно помагаше за спасување и за гасење на пожарите.
Не сака да говори за својата повреда и изгореница, вели сите наши мисли сега се свртени кон повредените и се молиме тие да се опорават, eве што за А1 изјави Зоран Заев.