И на денешните разговори не е постигнат договор меѓу четирите политички партии. Тоа вечерва го соопшти американскиот амбасадор Џес Бејли.
Претставниците на ВМРО-ДПМНЕ, СДСМ, ДУИ и ДПА, заминаа без изјави.
– Не можам да ви соопштам дека постигнавме дговор, но може да ви кажам дека имавме интересна нова идеја на маса. Сосема слично, како што реков во петокот, овој договор е многу важен за земјата, за вашите пријатели, за Европската унија и за САД и ние сакаме да ги дадеме сите можности за да бидеме сигурни дека ќе го најдеме патот кон напред. Партиите ќе ја разгледаат идејата и ќе продолжиме утре, изјави амбасадорот Бејли.
Бејли изрази надеж дека до крајот на неделата може да дојде до договор.
Kамен на сопнување се прашањата поврзани со овластувањата и мандатот на министерот за внатрешни работи во преодната влада.
Доколку неделава нема договор, веројатно изборите ќе се одржат на пролет.