Во клучните моменти за Македонија и одлуката која се очекува од Брисел, вицепремиерката за евро интеграции замина во САД во „недефинирана“ мисија.
Истотот тоа го направи и премиерот Никола Груевски, кој не отиде во Брисел да лобира за Македонија , но и не беше во земјата кога двајца премиери на соседни држави, Бериша и Тачи ни ја кроеја судбината среде Скопје.
А1он дознава дека екипи од Министерствата за надворешни работи на Грција и Бугарија се во Брисел поради состанокот на амбасадорите , а во истото време нашата вицепремиерка е далеку од Брисел и ЕУ.
Вестите од Брисел се контрадикторни,, но веќе се шпекулира дека Грција и Франција ќе го искористат правото на вето и Македонија нема да добие датум за отпочнување на преговори со ЕУ.
Препораката на состанокот на амбасадорите ќе биде со старото клише и препорака„Решете ги проблемите со соседите“.