ВМРО-ДПМНЕ ги користи службените мејлови на Владата за да добие податоци со имиња, презимиња и телефонски броеви на сите луѓе со кои е разговарано и кои ќе гласаат за партијата.
Пораката која стигна до А1он се испраќа диркетно од канцеларијата на премиерот Емил Димитриев, а наведен е мејлот на еден од блиските соработници на Димитриев.
Партијата се заканува на членството дека сите овие податоци ќе бидат проверени за да се види дали се тоа сигурни гласачи за ВМРО-ДПМНЕ. Ова ВМРО-ДПМНЕ го прави на сите избори принудувајќи ја администрацијата да доаѓа на митинзи и да обезбеди сигурни гласачи.
Очигледно некој не сака да се откаже од шемата за присилно прибирање сигурни гласови со уцени за што овој пат веројатно ќе има и одговорност. А1он поседува информации дека дел од листите со сигурни гласачи завршуваат и во една институција и сите што се потпишани може да бидат гонети според законот.