Храна, сокови, јајца, велигденски бои, украси и стикери може да се донираат во рамки на хуманитарната акција „Стопли срце-Велигденска трпеза за сите“ наменета за социјално загрозените семејства.
– Ајде Македонијо, да се обединиме! Се приближува нашиот најголем и најубав празник Велигден, празник кога сите заедно со нашите семејства седнуваме на трпеза и го славиме Христосовото Воскресение. Празник кога нашите деца ќе трчаат, ќе се смеат, ќе се кршат со јајца, ќе се радуваат…. За жал ова нема да биде во сите домови. Има многу семејства кои се тажни поради тоа што немаат ниту леб да стават на маса за празникот, а камо ли нешто повеќе, се вели во прогласот на хуманитарната акција.
Донациите во Скопје ќе се собираат до 6 април во Нано Бар во Дебар маало позади Градежен факултет.