Под мотото „Играта продолжува…“ до 21 декември во организација на здружението за зелено општество „Гринер“ и Македонската платформа против сиромаштија ќе се реализира хуманитарна акција за собирање на употребени играчки.
Собраните играчки ќе им се донираат на деца кои живеат во сиромаштија или се социјално исклучени.
Акцијата почнува денеска пред Домот на Армијата во Скопје каде ќе се собираат играчки од 10 до 15 часот, а од понеделник ќе продолжи во основните училишта и градинките во општините Гази Баба и Аеродром и на неколку локации во општина Центар. Преку локалните организации акцијата ќе се спроведе и во Струмица, Битола и Тетово.