Германски колбас, варено вино, шалчиња и ракавици од домашна изработка, божиќни украси, сето ова можеше вечерва да се купи на хуманитарниот базар, организиран од Амабасадата на СР Германија во Скопје.
Средствата и годинава, ќе бидат донирани во хуманитарни цели, онаму каде е најпотребно.
Минатата година собраните 480.000 денари беа донирани за реновирање и опремување со мебел на училницата за деца со посебни потреби во основното училиште „Браќа Миладиновци“ од Струга и за поддршка на училишниот дом „Седек Костовски“ во Маврово.
Присутните амбасадори, меѓу кои и германската амбасадорка Гудрун Елизабет Штајнакер, амбасадорот на САД, Пол Волерс, личности од јавниот и од политичкиот живот, уживаа во убава храна и дружење.
Германската амбасадорка појаснува дека вакви хуманитарни базари се традиционали во Германија, и дека се убави моменти за секој добронамерник.
Во Македонија е една година, вели луѓето се срдечни и добронамерни.